Ministry of Urban Development and Sacred Area Development

Sinhala (Sri Lanka)English (United Kingdom)

பிரதான பட்டியல்

நீங்கள் இங்கே உள்ளீர்கள்: முன்பக்கம் சமாச்சாரம் காலி மாநகரில் சகல வசதிகளும் அடங்கிய விளையாட்டரங்கு

காலி மாநகரில் சகல வசதிகளும் அடங்கிய விளையாட்டரங்கு

காலி - தாதெல்ல விளையாட்டு மைதானத்தொகுதியின் நிர்மாண வேலைகள், பொது நிருவாக அமைச்சர் கௌரவ சரத் அமுனுகம, காலி மாநகர பிதா மரியாதைக்குரிய மெத்சிறி த சில்வா ஆகியோரின் பங்களிப்புடன் கூடிய, நகர அபிவிருத்தி, புனித நிலப்பகுதிகள் அபிவிருத்தி அமைச்சர் கௌரவ தினேஷ் குணவர்தன அவர்களின் அனுசரணையின் கீழ், 2009 செப்டம்பர் 28ஆம் திகதி ஆரம்பித்து வைக்கப்பட்டன. சமூக சேவைகள், சமூக நலன்புரி பிரதிமைச்சர் கெளரவ லயனல் ப்றேமசிறி அவர்களின் வேண்டுகோளின் பேரில், நகர அபிவிருத்தி, புனித நிலப்பகுதிகள் அபிவிருத்தி அமைச்சை சார்ந்த நகர அபிவிருத்தி அதிகாரசபை (யூ.டீ.ஏ) இனால் தீட்டப்பட்ட காலி பெரும்பாக திட்டவரைவின் ஒரு பகுதியாக இவ்வரங்கு நிர்மாணிக்கப்படுகிறது.
காலி மாவட்டத்தில் நெடுங்காலமாக உணரப்பட்ட பாரியதொரு தேவையை நிறைவுசெய்யும் முகமாக, இந்த அதிநவீன விளையாட்டு மைதானத்தொகுதி கட்டியெழுப்பப்படுகிறது. இதற்கான 06 ஹெக்டயர் (16 ஏக்கர்) நிலத்தின் சீரமைப்புப்பணிகள், இதன் பிரதம வடிவமைப்பளர்களாக விளங்கும் யூ.டீ.ஏ.இனால் மேற்பார்வை செய்யப்படுகின்றன. அத்துடன், கட்டுமானப்பணிகளை இலங்கை காணி மீட்டல் அபிவிருத்தி கூட்டுத்தாபனமும் பொறியியல் ஆலோசனைக்கான மத்திய நிலையமும் மேற்கொள்கின்றன.
450 மில்லியன் ரூபாய்கள் செலவாகும் என எதிர்பார்க்கப்படும் இக்கருத்திட்டம் காலி மாவட்ட மெய்வல்லுனர்களுக்கும் பாடசாலை சிறார்களுக்கும் உகந்த பயிற்சி வசதிகளை கொண்டதாக, 400 மீற்றர் ஓட்டப்பாதை, விளையாட்டரங்கு, உள்ளக அரங்கு, மென்பந்து, வலைப்பந்து, கரப்பந்து போன்ற ஆட்டங்களுக்குக்கென தனித்தனியான ஆட்டத்திடல்கள், வாகனத்தரிப்பிடம், ரசிகர்கள் அமருமிடம், தற்காலிக தங்குமிடங்கள், அலுவலகக்கட்டிடம் ஆகிய அனைத்தும் அடங்கியதொரு விளையாட்டு மைதானத்தொகுதியாக உருப்பெறவுள்ளது.