Ministry of Urban Development and Sacred Area Development

Sinhala (Sri Lanka)English (United Kingdom)

பிரதான பட்டியல்

நீங்கள் இங்கே உள்ளீர்கள்: முன்பக்கம் காணி மீட்பு

இலங்கை காணி மீட்டல், அபிவிருத்தி கூட்டுத்தாபனம்

நகர அபிவிருத்தி, புனித நிலப்பகுதிகள் அபிவிருத்தி அமைச்சின் கீழுள்ள முகவர் நிறுவனங்களுள் இலங்கை காணி மீட்டல், அபிவிருத்தி கூட்டுத்தாபனமும் (இ.கா.மீ.அ.கூ) ஒன்றாகும்.  தாழ்நிலப்பகுதிகளிலுள்ள சதுப்பு நிலங்களின் மீட்டலுக்கும் அபிவிருத்திக்கும் பொறுப்பாக இருக்கும் அதேவேளை போதியளவு வெள்ளத்தடுப்பு பிரதேசங்களை பாதுகாக்க வேண்டிய அவசியமும் இதற்கு உண்டு.

சதுப்பு நிலங்களையும் தாழ்நிலப்பகுதிகளையும் மீட்டெடுத்து அபிவிருத்தி செய்தல், அவ்வாறு உடைமையாக்கப்பட்ட காணிகளின் கட்டுப்பாட்டை தக்கவைத்துக்கொள்ளுதல் ஆகிய இரட்டை நோக்கத்துடன், 1968ஆம் ஆண்டின் 15ஆம் இலக்க சட்டத்தின் மூலம் 1968ஆம் ஆண்டில் கொழும்பு மாவட்ட தாழ்நிலப்பகுதிகள் மீட்டல், அபிவிருத்திச்சபை ஸ்தாபிக்கப்பட்டது.

1968ஆம் ஆண்டின் 15ஆம் இலக்க கொழும்பு மாவட்ட (தாழ்நிலப்பகுதிகள்)  மீட்டல் அபிவிருத்திச்சபை சட்டமானது, 1982ஆம் ஆண்டின் 52ஆம் இலக்க சட்டமூலத்தினால் திருத்தம் செய்யப்பட்டதோடு, இந்நிறுவனம் இலங்கை காணி, மீட்டல் அபிவிருத்தி கூட்டுத்தாபனம் (இ.கா.மீ.அ.கூ.) என மீளப்பெயரிடப்பட்டது. அத்துடன், பொறியியல்துறை சார்ந்த நிர்மாண வேலைகளையும் ஆலோசனை சேவைகளையும் உள்ளடக்கும் வகையில் அதன் செயற்பாட்டு பரப்பும் விரிவடைந்தது.

மேலும், அபிவிருத்தி வேலைத்திட்டங்களுக்கு அத்தியாவசியமான அபிவிருத்தி செய்யப்பட்ட காணிகளின் பற்றாக்குறை எனும் பிரச்சனையை தீர்ப்பதற்காக, வியாபார ரீதியில் காணிகளை மீட்டு அபிவிருத்தி செய்யும் பணிகளையும் இக்கூட்டுத்தாபனம் மேற்கொள்கிறது.

கூட்டுத்தாபனத்தின் பிரதான நோக்கங்களும் அதிகாரங்களும், 1982ஆம் ஆண்டின் 52ஆம் இலக்க சட்டமூலத்தினாலும் 2006ஆம் ஆண்டின் 35ஆம் இலக்க சட்டமூலத்தினாலும் திருத்தம் செய்யப்பட்ட, 1968ஆம் ஆண்டின் 15ஆம் இலக்க சட்டமூலத்தின் 8ஆம் 9ஆம் பிரிவுகளில் குறிப்பிடப்பட்டுள்ளன.

இச்சட்டமூலத்தில் 2, 2(ஆ), 4(அ) ஆகிய பிரிவுகளின் கீழான கட்டளைகள் மூலம் பிரகடனம் செய்யப்பட்ட ஒவ்வொரு மீட்டல் மற்றும் அபிவிருத்தி பிரதேசத்தையும் மீட்டெடுத்து அபிவிருத்தி செய்தல், அத்தகைய பிரதேசங்களை கட்டிட நிர்மாணம், கைத்தொழில், வர்த்தகம் அல்லது விவசாயத்துக்குரியவையாக மாற்றியமைத்தல், அவற்றின் பாதுகாப்பு மற்றும் கட்டுப்பாட்டை பேணுதல், இச்சட்டமூலத்திலுள்ள ஏற்பாடுகளின் கீழ் இக்கூட்டுத்தாபனத்தின் உடைமையாக்கப்பட்ட பிரதேசங்களிலுள்ள காணிகளின் மீட்டலையும் அபிவிருத்தியையும் இடைநிறுத்துதல், பொறியியல் துறையில் நிர்மாண வேலைகளையும் ஆலோசனை பணிகளையும் பொறுப்பெடுத்தல், 2ஆவது மற்றும் 2(ஆ)ஆவது பிரிவுகளின் கீழான கட்டளை மூலம் பிரகடனம் செய்யப்பட்ட பிரதேசங்களை தவிர ஏனைய பிரதேசங்களிலுள்ள கால்வாய்களின் பாதுகாப்பு, முகாமை, சீர்திருத்தம், பராமரிப்பு மற்றும் கட்டுப்பாட்டை கொண்டிருப்பதுடன் அக்கால்வாய்கள் மாசடைதலை தடுத்தல் ஆகியவையே இதன் பிரதான நோக்கங்களாகும்.

2006ஆம் ஆண்டின் 35ஆம் இலக்க சட்டமூலத்தினால் அண்மையில் இச்சட்டமூலத்தில் மேற்கொள்ளப்பட்ட  திருத்தங்களின் பிரகாரம், அங்கீகாரமற்ற மீட்டல் நடவடிக்கைகள், நீர்நிலைகள் மாசுபடல் என்பவற்றுக்கு எதிராக சட்ட நடவடிக்கை எடுப்பதற்கு இக்கூட்டுத்தாபனத்திற்கு அதிகாரமளிக்கப்பட்டுள்ளது.

(மேலதிக தகவல்கள் இ.கா.மீ.அ.கூ. இணையத்தளத்தில்)