Ministry of Urban Development and Sacred Area Development

Tamil (Sri Lanka)English (United Kingdom)

ප්‍රධාන මෙනුව

ඔබ මෙතනයි : මුල් පිටුව ඉඩම් ගොඩකිරීම

ශ්‍රී ලංකා ඉඩම් ගොඩකිරීමේ සහ සංවර්ධනය කිරීමේ සංස්ථාව

නාගරික සංවර්ධන හා පූජා භූමි සංවර්ධන අමාත්‍යාංශය යටතේ ඇති ආයතනයක් වන ශ්‍රී ලංකා ඉඩම් ගොඩකිරීමේ සහ සංවර්ධනය කිරීමේ සංස්ථාව, පහත් බිමි ප්‍රදේශ ගොඩකිරීම හා සංවර්ධනය කිරීමත්, හදුනා ගැනී‍‍‍මෙන් අනතුරුව අවශ්‍යතාව අනුව ගංවතුර පාලන ප්‍රදේශ වශ‍යෙන් පවත්වා‍ගෙන යාමත් සම්බන්ධව වගකීම් දරනු ලබයි.

කොළඔ දිස්ත්‍රික්කයේ පහත් බිමි ‍‍ප්‍රදේශ ගොඩකිරීමේ හා සංවර්ධනය කිරිමේ මණ්ඩලය වර්ෂ 1968 දී 1968 අංක 15 දරණ පනතින් පිහිටුවන ලදී. මෙය පිහිටුවී‍මේ පරමාර්ථ දෙකක් විය. එනම් ප්‍රකාශයට පත්කරන ලද වගුරු බිම් හා පහත් බිම් ගොඩකිරීම මෙන්ම සංවර්ධනය කිරීම, එමෙන්ම එසේ පවරනු ලබන ඉඩම් වල භාරකාරත්වය, කළමණාකරණය හා පාලනය භාරව සිටීමත්ය.

1968 අංක 15 දරණ ‍‍කොළඔ දිස්ත්‍රික්කයේ (පහත් බිමි ‍‍ප්‍රදේශ) ගොඩකිරීමේ හා සංවර්ධනය කිරිමේ මණ්ඩල පනත සංශෝධනය කළ 1982 අංක 52 දරණ සංශෝධිත පනතට අනුව මෙම ආයතනය "ශ්‍රී ලංකා ඉඩම් ගොඩකිරීමේ සහ සංවර්ධනය කිරීමේ සංස්ථාව" යනුවෙන් නැවත නම් කර එහි විෂය සීමාවද ඉදිකිරීම් වැඩ සහ උපදේශන සේවාද ඇතුලත් වනසේ පුඵල් කරන ලදී.

සංවර්ධන වැඩසටහන් සදහා අවශ්‍ය සංවර්ධිත ඉඩම් හිගවීමේ ගැටඵව විසදීම සදහා සංස්ථාව මගින් වානිජ පදනම මත ඉඩම් ගොඩකිරීමේ සහ සංවර්ධනය කිරීමේ කාර්යය කරනු ලබයි.

1976 අංක 27 දරණ පනතින්ද , 1982 අංක 52 දරණ පනතින්ද, 2006 අංක 35 දරණ පනතින්ද සංශෝධිත 1968 අංක 15 දරණ පනතේ 8 හා 9 වගන්ති වල සංස්ථාවේ ප්‍රධාන පරමාර්ථ හා බලතල දැක්වේ.‍ ‍‍

පනතේ 2 (ආ) 1 සහ 4 (අ) වගන්ති යටතේ නියෝගයකින් ප්‍රකාශයට පත්කර ඇති ගොඩකිරීමේ සහ සංවර්ධනය කිරීමේ සෑම ඉඩමක්ම සංවර්ධනය කොට ඒවා ගොඩනැගිලි, කාර්මික, වානිජ හෝ කෘෂිකාර්මික කටයුතු සදහා යෝග්‍ය තත්ත්වයට පත් කිරීම, පනතේ විධිවිධාන යටතේ සංස්ථාවට පවරා ඇති ඉඩම් වල භාරකාරත්වය, කළමණාකරණය හා පාලනය එම ඉඩම් ගොඩකිරීමට හා සංවර්ධනය කිරීමට යටත්ව භාරව සිටීම, පනතේ 2 (ආ) 1 වගන්ති යටතේ නිකුත් කෙරෙන නියෝගයකින් ප්‍රකාශයට පත්කරන ලද ප්‍රදේශ හැර සෙසු ප්‍රදේශ වල ඉංජිනේරු, ඉදිකිරීම් කටයුතු සහ උපදේශන පැවරුම් කාර්යය ආරම්භ කිරිම හා ඇලවල් පිළිබද භාරකාරත්වය කළමණාකරණය වැඩිදියුණු කිරීම, නඩත්තු කිරිම සහ පාලනය භාරව සිටීම හා ඇල මාර්ග දූෂණය වැලැක්වී‍ම සංස්ථා‍වේ ප්‍රධාන පරමාර්ථ ‍වේ.

2006 අංක 35 දරණ සං‍සෝධිත පනතින් අනවසර ‍‍ගොඩකිරීම් හා ජල රැදවුම් ප්‍රදේශ දූෂණය කිරීම සම්බන්ධව නීතිමය කටයුතු කිරී‍මේ බලයද සංස්ථාව පැවරී ඇත.

වැඩිදුර තොරතුරු සඳහා...